Sony njoftoi hedhjen në treg të një kompjuter portativ VAIO, seria NW, me një monitor 15.5-inç WXGA XBRITE, procesor 2GHz Intel Core 2 Duo P7350 dhe një lexues fakultativ Blu-ray.
Sony VAIO NW gjithashtu ka një çmim konkurrues: modeli standard është 800$, ndërsa shtimi i lexuesit Blu-ray i shton çmimit edhe 80$.
Specifikat e tjera përfshijnë një kartë grafike fakultative ATI Mobility Radeon HD 4570, kamera interneti standarde dhe një tastierë elegante. Lidhja përfshin 3 porta USB 2.0, një fole ExpressCard, fole për karta memorie SD, dhe HDMI; gjithashtu ka edhe një buton të dedikuar “fik ekranin” (display off) për të fikur ekranin e VAIO-s kur përdor një monitor të jashtëm, dhe një mënyrë të menjëhershme përdorimi interneti pa qenë e nevojshme të hyni në Windows Vista.
Në ofertë janë WiFi a/b/g/n, një disk i ngurtë 400GB dhe kujtesë pune deri në 4GB DDR2, ndërsa jetëgjatësia e baterisë radhitet nga 1.5 orë për pakon standarde dhe deri në 5.5 orë me pakon shtesë. Seritë NW do të jenë me ngjyrë të bardhë, gri dhe kafe, të kompletuara me një kapak të çuditshëm të lëmuar, tastierë elegante dhe një pistë prekjeje (trackpad) gjysmë të tejdukshme. Do të dalë në shitje këtë muaj.
source https://krokodili.al/computers/sony-vaio-nw-i-ri-me-lexues-blu-ray-2/
No comments:
Post a Comment